२३ असार २०८३, मंगलबार
अस्ट्रेलियामा चलिरहेको टी२० क्रिकेट विश्वकपमा आइतवार सम्पन्न खेलमा पाकिस्तानले नेदरल्यान्ड्सलाई ६ विकेटले पराजित गरेको छ ।
टस जितेर ब्याटिङ गरेको नेदरल्यान्ड्सले पूरै ओभर खेले पनि नौ विकेट गुमाएर जम्मा ९१ रन बनायो । नेदरल्यान्ड्सका लागि कोलिन एकरम्यानले सर्वाधिक २७ रन बनाए ।
जवाफमा पाकिस्तानले चार विकेट गुमाएर लक्ष्य हासिल गर्यो । विकेटकीपर मोहम्मद रिजवानले सर्वाधिक ४९ रन बनाए ।
यस जीतका बावजूद पाकिस्तानलाई प्रतियोगितामा बढ्न कठिन छ किनकि उसले भारत र जिम्बाब्वेसँग पराजय बेहोरिसकेको छ ।
