अमेरिकाले युरोपेली संघलाई सैन्य तथा आर्थिक दुवै क्षेत्रमा कमजोर बनाउने लक्ष्य लिएको रुसका परराष्ट्रमन्त्री सर्गे लाभरोभले दाबी गरेका छन् । 

आइतवार प्रकाशित एक अन्तर्वार्तामा उनले बताए, ‘युरोपेलीहरू अहिले नै रुसविरोधी प्रतिबन्धबाट दुःख पाइरहेका छन् । अमेरिकीहरूले पाएको भन्दा कैयौं गुणा बढी दुःख युरोपेलीहरूले पाइरहेका हुन् ।’

‘हाम्रो देशका मात्र नभई पश्चिमकै अर्थशास्त्रीहरूले पनि एउटै निष्कर्ष निकालेका छन्– युरोपेली अर्थतन्त्रलाई पूरै सुकाउने र उद्योगविहीन बनाउने अमेरिकाको लक्ष्य हो,’ उनले बताए ।