०४ असार २०८३, बिहीबार
झापाको दमक नगरपालिका–१० आमबाडीका १४ वर्षीय डियुज श्रेष्ठको हत्या गरेको आरोपमा प्रहरीले पाँच जनालाई पक्राउ गरेको छ ।
डियुज आइतवार छठ पर्न हेर्न भनेर खोलामा गएका थिए । उनीमाथि राति १०ः२५ बजेतिर छुरा प्रहार भएको थियो । उपचारको क्रममा उनको बिएण्डसी अस्पताल विर्तामोडमा सोमवार बिहान ४ः५० बजे मृत्यु भएको थियो ।
घटनामा संलग्न रहेको आशंकामा मोरङ उर्लाबारी नगरपालिका वडा नं.६ चन्द्रमा चौक बस्ने वर्ष १७ का सरोज बस्नेत, सोही ठाउँका सन्देश खवास, १६ वर्षीय सपन खत्री, मन्जिल माझी र विकास तामाङलाई नियन्त्रणमा लिएको मोरङ प्रहरीका प्रवक्ता डीएसपी दीपक श्रेष्ठले जानकारी दिए । घटनामा संलग्न एक जना फरार छन् । फरारको खोजी कार्य भइरहेको प्रहरीले जनाएको छ ।
डियुजलाई पूर्व रिसिइबिको कारण चक्कु प्रहार गरी हत्या गरेको प्रारम्भिक चरणको अनुसन्धानबाट खुलेको डिएसपी श्रेष्ठले जानकारी दिए ।
