१९ असार २०८३, शुक्रबार
पूर्व प्रधानमन्त्री एवम् नेकपा एमालेका अध्यक्ष केपी शर्मा ओलीले मंगलवार मध्यरातमा डोटीमा केन्द्रविन्दु बनाएर आएको शक्तिशाली भूकम्पमा परी ज्यान गुमाउनेमा श्रद्धाञ्जली व्यक्त गरेका छन् ।
उनले बुधवार बिहान ट्वीटमा लेख्दै भूकम्पका कारण डोटीको पूर्वीचौकी गाउँपालिकामा ज्यान गुमाउने ६ जनामा श्रद्धाञ्जली अर्पण गरेका हुन्।
मंगलवार राति डोटी केन्द्रविन्दु बनाएर ६.६ म्याग्निच्युडको भूकम्प गएको थियो ।
ओलीले लेखेका छन्,'दुःखद् खबर - हिजो भूकम्पका कारण डोटीको पूर्वीचौकी गाउँपालिकामा स्थानीय ८ वटा परिवारका घर भत्केका छन् भने ६ जनाले ज्यान गुमाउनु भएको छ । उहाँहरुप्रति श्रद्धाञ्जली अर्पण गर्दै शोकमा पर्नु भएका परिवारजनमा गहिरो समवेदना व्यक्त गर्दछु।'
दुःखद् खबर - हिजो भूकम्पका कारण डोटीको पूर्वीचौकी गाउँपालिकामा स्थानीय ८ वटा परिवारका घर भत्केका छन् भने ६ जनाले ज्यान गुमाउनु भएको छ । उहाँहरुप्रति श्रद्धाञ्जली अर्पण गर्दै शोकमा पर्नु भएका परिवारजनमा गहिरो समवेदना व्यक्त गर्दछु। pic.twitter.com/x8ZfuABEeg
— K P Sharma Oli (@kpsharmaoli) November 9, 2022
