नेकपा एमालेका नेता तथा पूर्व सञ्चार तथा सूचना प्रविधिमन्त्री गोकुल बाँस्कोटा निवास भक्तपुरको लोकन्थलीमा बम जस्तो शंकास्पद वस्तु भेटिएको छ ।

बाँस्कोटाका सहयोगी नवराज ढकालले लोकन्थलीस्थित निवासमा प्रेसर कुकर जस्तो शंकास्पद वस्तु देखिएको जानकारी दिए । ‘प्रहरी आएर चेकजाँच गरिरहेको छ,’ उनले भने ।

बाँस्कोटा निवासमा शंकास्पद पोको देखिएकाले चेकजाँच भइरहेको भक्तपुर प्रहरीका डीएसपी राजु पाण्डेले बताए ।

पूर्वमन्त्री बाँस्कोटा भने गृहजिल्ला काभ्रेमा रहेका छन् । बाँस्कोटा हालै सम्पन्न प्रतिनिधिसभा सदस्य निर्वाचनमा काभ्रेपलाञ्चोक–२ बाट निर्वाचित भएका थिए ।