२८ जेठ २०८३, बिहीबार
बाजुरा प्रदेशसभा (२) बाट नेपाली कांग्रेसका पदमबहादुर शाही २० हजार ११९ मत प्राप्त गरी प्रदेशसभा सदस्यमा निर्वाचित भएका छन् ।
मंसिर ४ गते सम्पन्न प्रतिनिधिसभा तथा प्रदेशसभा निर्वाचनको अन्तिम मतपरिणाम अनुसार उनका निकटतम् प्रतिद्वन्द्वी नेकपा एमालेका लालबहादुर थापाले १७ हजार ५२१ मत ल्याएका छन् ।
मुख्य निर्वाचन अधिकृतको कार्यालय बाजुरा नवनिर्वाचित प्रदेशसभा सदस्य शाहीले एमालेका उम्मेदवार थापालाई २ हजार ५९८ मतले पराजित गरेका हुन् । निर्वाचन क्षेत्रमा ५३ हजार ६२६ मतदाता संख्या रहेको छ । तीमध्ये ३८ हजार ७९५ मत खसेको थियो ।
कार्यालयले शनिवार बेलुकी प्रदेशसभा क्षेत्र (१) को मतपरिणाम सार्वजनिक गरिसकेको छ । प्रदेशसभा (१) मा नेकपा एकीकृत समाजवादीका उम्मेदवार नरेशकुमार शाहीले एमालेका उम्मेदवार बलदेव रेग्मीलाई पराजित गर्दै निर्वाचित भइसकेका छन् ।
प्रतिनिधिसभा सदस्यको मतगणना भने जारी रहेको मुख्य निर्वाचन अधिकृत ढाकाराम पौडेलले जानकारी दिए ।
