०९ साउन २०८३, शनिबार
समानुपातिकतर्फ निर्वाचित हुने सांसदहरूको नाम टुंगो लगाउन नेकपा एमालेको सचिवालय बैठक शुरु भएको छ । पार्टी केन्द्रीय कार्यालय च्यासलमा बैठक शुरु भएको हो । बिहान ११ बजे नै बैठक बस्ने भनिए पनि केही ढिलो गरी बैठक शुरु भएको छ ।
एमालेले मंसिर ४ गते सम्पन्न निर्वाचनबाट समानुपातिकतर्फ प्रतिनिधि सभामा ३४ सिट जितेको छ । उक्त सिटमा विभिन्न क्लष्टरसमेत मिलाई निर्वाचन हुने सांसदको नाम यसअघि निर्वाचन आयोगमा बुझाइएको बन्दसूचीका आधारमा छनोट गर्नुपर्ने छ । एमालेले प्रत्यक्षमा ४४ सीट जितेको थियो ।
समानुपातिक सांसदको टुंगो लगाएर आज ४ बजे अघि नै निर्वाचन आयोगमा बुझाउनुपर्ने भएकाले दलहरू छलफलमा जुटिरहेका छन् । नेपाली कांग्रेस, नेकपा माओवादी केन्द्र, राष्ट्रिय स्वतन्त्र पार्टी, जनता समाजवादी पार्टी र राष्ट्रिय प्रजातन्त्र पार्टीसमेत छलफलमा जुटिरहेको छ ।
