जनमत पार्टीले समानुपातिक सदस्यको नाम निर्वाचन आयोगमा बुझाएको छ । प्रतिनिधि सभा सदस्यमा प्रत्यक्षतर्फ एक सिट जितेको पार्टीले समानुपातिकतर्फ पाँच सिट प्राप्त गरेको थियो । 

पार्टीले प्रतिनिधि सभा समानुपातिक सदस्यमा अनिता साह र वसन्तकुमार कुशवाहा (मधेशी), सोनु मुर्मर र विनिताकुमारी सिंह (आदिवासी जनजाति), अब्दुल खान (मुस्लिम) र गोमा लामा सापकोटा (खस आर्य)लाई सिफारिस गरेको छ । 

त्यसैगरी प्रदेश सभाको समानुपातिक सदस्यमा मधेश प्रदेशमा बबिता राउत र अनिताकुमारी साह (मधेशी महिला), चन्दनकुमार सिंह (मधेशी अल्पसंख्यक), रञ्जुकुमारी खंग (खत्वे) (दलित महिला), वसन्तकुमार कुशवाहा (मधेशी), हसिना खातुन (मुस्लिम महिला) र भाग्यश्रीकुमारी चौधरी आदिवासी जनजाति महिला सिफारिस गरिएको पार्टीका उपत्यका इन्चार्ज हरेन्द्र चौधरीले जानकारी दिए । 

पार्टीले लुम्बिनी प्रदेशमा समानुपातिक सदस्यमा सुमन शर्मा रायमाझी र आदिवासीतर्फ गीता गुरुङलाई सिफारिस गरेको छ । 

जनमत पार्टीले प्रत्यक्षतर्फ प्रतिनिधि सभामा एक सिट र प्रदेश सभामा मधेश प्रदेशमा छ र लुम्बिनीमा एक गरी सात प्रदेश सभा सदस्य जितेको थियो । रासस