०३ असार २०८३, बुधबार
फिल्म निर्देशक असिम शाह रवि लामिछाने नेतृत्वको राष्ट्रिय स्वतन्त्र पार्टी (रास्वपा)को तर्फबाट प्रतिनिधि सभामा समानुपातिक सांसद बनेका छन् । राष्ट्रिय स्वतन्त्र पार्टीले शनिवार निर्वाचन आयोगमा बुझाएको १३ जना सांसदको सूचीमा शाहको नाम पनि समावेश छन् ।
उनी चलचित्र ‘दुई रुपैयाँ’का निर्देशक एवं निर्माता हुन् । जुन चलचित्रमा समावेश गीत ‘कुटुमा कुटु’ हालसम्मकै सर्वाधिक हेरिएको गीत हो । त्यसअघि उनले ‘कर्कश’ नामक फिल्मसमेत निर्माण गरेका थिए । विज्ञापन र सांगीतिक क्षेत्रलाई समेत प्रतिनिधित्व गर्दै आएका शाह उद्घोषकसमेत हुन् । मुस्लिम समुदायको तर्फबाट शाह सांसद छानिएका हुन् ।
