२३ जेठ २०८३, शनिबार
अमेरिकी कम्पनी लकहीड मार्टिनले बनाएको एफ–३५बी लाइटनिङ लडाकू विमान बिहीवार बिहान अवतरण गर्न नसकेपछि त्यसका पाइलटले प्यारासुट उडाएर सुरक्षित निस्केको भिडियो सार्वजनिक भएको छ ।
फोर्ट वर्थमा रहेको नेभल एयर स्टेसन जोइन्ट रिजर्भ बेसमा घटना भएको हो ।
लकहीड मार्टिनले यस विषयमा अनुसन्धान गर्ने र पाइलटको सुरक्षालाई उच्च प्राथमिकतामा राखिएको बताए ।
पाइलटको अवस्थाका बारेमा कम्पनीले केही बताएको छैन ।
अमेरिकाको रक्षा मन्त्रालय पेन्टागनका एक प्रवक्ताले घटना भएको समयमा सरकारी पाइलटले विमान उडाएको बताएका थिए । उक्त विमान अमेरिकी सेनालाई लकहीड मार्टिनले उपलब्ध गराइसकेको छैन ।
विमानमा धेरै किसिमका समस्या रहेको विज्ञहरू बताउँछन् ।
पेन्टागनका प्रवक्ता वायुसेना जनरल प्याट राइडरले पाइलट विमानबाट सुरक्षित रूपमा निस्केको बताए । तर उनको अवस्था अज्ञात छ ।
जर्मनीले यस्ता विमानहरूको एक जत्था आफ्नो वायुसेनाका लागि मगाएको छ ।
USAF F-35B at Fort Worth
— Russian Market (@runews) December 15, 2022
pic.twitter.com/vzgTON6Kls
