२१ जेठ २०८३, बिहीबार
चीनमा कोरोनाभाइरसको संक्रमण लगातार बढिरहेको छ ।
दिनदिनै सयौं मानिसको मृत्यु भइरहेको खबर आइरहेका छन् । मसानघाट र कब्रिस्तानमा भीड बढिरहेको बताइएको छ ।
चीन सरकारले कोरोनाका गम्भीर केसहरू नदेखिएको बताए पनि त्यहाँबाट आइरहेका तस्वीरले अर्कै कथा भनिरहेका छन् ।
अस्पतालमा बिरामीहरूको ठूलो भीडभाड छ । बेडमा ठाउँ नपुगेर भुइँमै राखी बिरामीहरूको उपचार भइरहेको छ । चिसो भुइँमा बिरामीहरूलाई भेन्टिलेटर दिइएको छ ।
कोरोनाको ओमिक्रोन भेरिएन्टले भयानक स्थितिको प्रमाण प्रस्तुत गरिरहेका छन् ।
चीनमा शून्य कोभिड नीति अपनाएर कठोर लकडाउन लगाइएकोमा मानिसहरूले निरन्तर विरोध गरेपछि त्यसलाई हटाइएको थियो ।
तर धेरै मानिसले कोरोनाविरुद्धको खोप नलाएकाले गर्दा लकडाउन खुकुलो हुनेबित्तिकै संक्रमण बढेको हो । वृद्धवृद्धालाई यसले बढी असर पारेको छ ।
चीनले संक्रमित व्यक्तिहरूको आँकडा जारी गर्नै छोडेको छ । अनिवार्य कोरोना परीक्षण अन्त्य गरिएकाले संक्रमितहरूको सही सूचना आउन सकेको छैन ।
तैपनि दिनको १० हजार जति केस देखिइरहेको बताइएको छ ।
12月19日北京，医疗挤兑现状，全部是老年人。 pic.twitter.com/kRQ9mgpLlW
— iPaul🇨🇦🇺🇦 (@iPaulCanada) December 20, 2022
