भारतको सबैभन्दा पुरानो ट्रेड युनियन अल  इण्डिया ट्रेड युनियन कांग्रेस ९(एआइटियुसी) को ४२ ओै सम्मेलन भारतको केरलास्थित अलपुषामा सम्पन्न भएको छ । कायृक्रमका सहभागीले पूँजीवादी शोषणविरुद्ध उक हुन श्रमिकलाई आह्वान गरेको छ । डिसेम्बर १६ देखि २० सम्म कार्यक्रम भएको थियो ।

सम्मेलनमा  नेपालबाट पेशागत महासंघ नेपाल विश्व ट्रेड युनियन महासंघ (डब्लूएफटियु) का संयोजक तथा डब्लुएटियुको प्रेसिडेन्टियल काउन्सिल सदस्य  प्रेमलकुमार खनालसहित  पेसागत महासंघ  नेपालका सचिवालय सदस्य तथा विदेश विभाग प्रमुख लालबहादुर पाख्रिन र सचिवालय सदस्य सीता ओझाले भाग लिएका थिए । सो सम्मेलनमा विश्व ट्रेड युनियन महासंघका महासचिव प्याम्बिस किरिटिस लगायत श्रीलंका ,साइप्रस, पोर्चुगल, सिरिया, कजाकिस्थानका ट्रेड युनियन प्रतिनिधिहरुले भाग लिएका थिए। भारत स्थित २४ वटा प्रान्तीय कमिटीबाट ८८० जना प्रतिनिधि र ४७८ जना पर्यवेक्षकहरुले सम्मेलनमा भाग लिएका थिए।

अल इण्डिया ट्रेड युनियन काङ्ग्रेस सन १९२१ मा स्थापना भएको सबैभन्दा शक्तिशाली र पुरानो युनियन हो। आफ्नो स्थापनाको १०३ ओैं सहित ४२ ओै सम्मेलन अनेकन चुनौतीपूर्ण अवस्थामा आयोजना भएको बताइएको छ।

सम्मेलनबाट महासचिवमा  महिला नेतृ  निबर्तमान महासचिव अमरजित कौरलाई पुनः महासचिवमा निर्बाचित गरेको छ । अध्यक्षमा रामेन्द्रकुमार सहित १४ जना उपाध्यक्षमा र सचिवमा १४ जना तथा २४८ जना  राष्ट्रिय परिषद सदस्यहरु निर्बाचित भएका छन् ।

नेपालबाट संयोजक खनालले विश्व साम्राज्यवाद र पुंजीवादले श्रमिकहरुको बर्वर शोषण गर्दैआएको बताएका थिए । श्रमिकहरुलाई नवउदारवादी नीति अन्तर्गत करार र आउट सोर्सिङमा काममा लगाउने, उनीहरूलाई न्यून तलब र सामाजिक सुरक्षा विहिन बनाउने गरेको बताए । यो समस्या विश्वभर रहेको बताउदै भारतीय सरकारले लागु गरेको श्रमिक विरोधी श्रम कानुन ,सार्वजनिक संस्थानहरुको नीजिकरण र प्राकृतिक श्रोत साधनहरु बहुराष्ट्रिय निगमलाई सुम्पने भारत सरकारको नीतिका विरुद्ध भारतीय श्रमजीवी वर्ग एक हुनुपर्ने उनले सुझाए ।

सम्मेलनबाट सार्वजनिक क्षेत्रको नीजिकरणले श्रमिक वर्गमा परेको प्रभाव, असंगठीत क्षेत्रका श्रमिकको अवस्था र सामाजिक सुरक्षासहितको  रणनीति, ट्रेड युनियन अधिकार र श्रमिक पक्षीय  श्रम कानुनी विषयमा महत्त्वपूर्ण छलफल गरिएको खनालले बताए । सम्मेलनले समसामयिक विषयमा ३३ बुँदे प्रस्ताव पारित गरेको उनले जानकारी दिए।