जनमत पार्टीका अध्यक्ष चन्द्रकान्त (सिके) राउत पनि बालकोट पुगेका छन् । सरकार गठनका विषयमा जारी छलफलमा सहभागी बन्न नेकपा एमालेका अध्यक्ष केपी ओलीको निवास बालकोट पुगेका हुन् । 

बालकोटमा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, राष्ट्रिय प्रजातन्त्र पार्टीका अध्यक्ष राजेन्द्र लिङदेन, राष्ट्रिय स्वतन्त्र पार्टीका अध्यक्ष रवि लामिछानेलगायतका नेताहरू छलफल गरिरहेका छन् । छलफलमा सहभागी रहेका जनता समाजवादी पार्टीका वरिष्ठ उपाध्यक्ष अशोक राई भने बाहिरिएका छन् । उनी पार्टीभित्र छलफलका लागि भन्दै बालकोटबाट बाहिरिएका थिए । 

जनमतका अध्यक्ष राउतले प्रचण्डले खबर गरेकाले आफू बालकोट आएको बताएका थिए । जनमतको प्रतिनिधिसभामा ६ सांसद छन् ।