०८ साउन २०८३, शुक्रबार
नेपाल समाजवादी पार्टीका अध्यक्ष डा.बाबुराम भट्टराईले सरकार गठनको प्रयास रोमान्चक भइरहेको बताएका छन् । सामाजिक सञ्जालमा सन्देश लेख्दै उनले सरकार गठनको प्रयासलाई हालै सम्पन्न विश्कप फुटबलको फाइनलसँग तुलना गरेका हुन् ।
उनले लेखेका छन्, ‘हालै सन्पन्न वर्ल्डकप फुटबलको फाइनल र नेपाली राजनीतिको खेल आज ‘टाइब्रेकर’सम्मै उस्तै रोमान्चक हुन लागेको हो ?’
कतार विश्वकप फुटबलको फाइनलमा अर्जेन्टिना र फ्रान्सबीचको खेल टाइब्रेकरसम्म रोमान्चक भएको थियो । शुरुमा २–०ले अग्रता लिएको अर्जेन्टिना मध्यान्तरपछि २–२ को स्थितिमा आएको थियो । त्यसपछि १ गोलले अग्रता लिएको अर्जेन्टिनाको अग्रता केहीबेरमै फ्रान्सले बराबरी गोल फर्काएपछि खेलको निर्णय टाइब्रेकरबाट लिइएको थियो ।
