०७ साउन २०८३, बिहीबार
आइतबार प्रधानमन्त्रीमा नियुक्त भएका पुष्पकमल दाहाल प्रचण्डले सोमबार सानो आकारको मन्त्रिपरिषद् बनाउने तयारी गरेका छन् । अपराह्न ४ बजे राष्ट्रपति विद्या भण्डारीबाट शपथ लिएलगत्तै केही मन्त्रीलाई शपथ गराउने तयारी भएको हो ।
नेकपा एमाले, माओवादी र राष्ट्रिय स्वतन्त्र पार्टीका एक–एक जनालाई लिएर आजनै सानो आकारको मन्त्रिपरिषद् बनाउने तयारी भएको माओवादीका एक नेताले लोकान्तरलाई जानकारी दिए ।
प्रतिनिधि सभाका १६९ सांसदको समर्थनमा राष्ट्रपति भण्डारीले प्रचण्डलाई आइतबार प्रधानमन्त्री नियुक्त गरेकी थिइन् । नयाँ सरकार गठनसँगै प्रतिनिधि सभाको अधिवेशन आह्वान गर्ने र प्रधानमन्त्रीले विश्वासको मत लिन प्रयास गर्ने माओवादी स्रोतले बतायो ।
आजै भागबण्डालगायतका विषयमा छलफल गर्न ७ दलको बैठक बस्ने तयारी पनि भएको छ ।
