२४ जेठ २०८३, आइतबार
चिसो र हुस्सुका कारण त्रिभुवन विमानस्थलसहितका तराई क्षेत्रका विमानस्थलमा उडान प्रभावित भएका छन् ।
हुस्सुका कारण भिजिबिलिटी नपुग्दा जहाजको उडान र अवतरणमा ढिलाइ भएको छ ।
त्रिभुवन विमानस्थल नै बिहान साढे १० बजेसम्म नखुल्दा उडान र अवतरण प्रभावित भयो ।
विमानस्थल ढिलो गरी खुल्दा र आँखाले हेरेर गर्ने (भिजुअल फ्लाइट रुल्स) भीएफआरबाट उडान हुन सकेन ।
इन्टुमेन्टल फ्लाइट रुल्स (आइएफआर) बाट हुने उडान मात्रै खुल्दा विमान कम्पनीहरूले गर्ने सबैभन्दा बढी भीएफआरको उडान प्रभावित भइरहेको छ ।
अहिले काठमाडौंबाट हुने नेपालगञ्ज र भद्रपुर विमानस्थलको मात्रै उडान खुला भएको छ ।
अन्य विमानस्थलहरू प्रतिकूल मौसमका कारण बन्द हुँदा आन्तरिक उडान प्रभावित भएको वायुसेवा कम्पनीहरूले बताएका छन् ।
