प्रधानमन्त्री पुष्पकमल दाहाल ‘प्रचण्ड’ले सिंहदरबारस्थित प्रधानमन्त्री तथा मन्त्रिपरिषद् कार्यालयको नयाँ भवनमा रहेका विभिन्न संरचनाको अवलोकन गरेका छन् ।

प्रधानमन्त्री प्रचण्डले भवनमा रहेका एक्सन रुम, स्टुडियो, भवनको पाँचौं तलामा निर्माणाधीन हल, मन्त्रालयका अन्य कार्यकक्ष लगायतका संरचनाको निरीक्षण तथा अवलोकन गरेका थिए ।

प्रधानमन्त्री प्रचण्डले भवनको छतमा पुगेर सिंहदरबारस्थित अन्य भवन तथा संरचनाको समेत अवलोकन गरेका छन् ।

मुख्य सचिव शंकरदास बैरागीले प्रधानमन्त्रीलाई सिंहदरबारमा निर्माणाधीन संसद भवन, जीर्ण अवस्थामा रहेको पुरानो संसद भवन, मन्त्रालयका अन्य निर्माणाधीन संरचना तथा भावी परिरकल्पना गरिएका संरचनाबारे विस्तृत जानकारी दिएका थिए ।