मुम्बई – केही महिना पछिले जब सलमान खानको फिल्म ट्युबलाइटले बक्स अफिसमा राम्रो प्रदर्शन गर्न सकेन । वितरकले घाटा भएको बताएपछि सलमानले वितकरलाई लभगग ३२ करोड रुपैयाँ दिएका थिए ।

जबकि, शाहरुख खानको नयाँ फिल्म ‘जब ह्यारी मेट सेजल’ ले पनि बक्स अफिसमा राम्रो प्रदर्शन गर्न सकेन । फिल्मका वितरकले अहिले आफूलाई राहत नभएको बताउँदै शाहरुखसँग पैसाको दिन अपील गरेका छन् । वितरकले शाहरुखलाई सन्देश पठाएर भरपाइ गरिदिनका लागि आग्रह गरेका छन् ।

शाहरुख खानले फिल्मलाई स्याटलाइट, म्यूजिक र डिजिटल राइट्स बेचेर राम्रो पैसा कमाएका छन् । शाहरुख खानले पहिलेदेखि नै फिल्मको राइटस् बेच्ने कलाकारका रुपमा पनि चिनिन्छन् । यसभन्दा अघि पनि चलचित्र ‘दिलवाले’ ले राम्रो व्यापार नगर्दा उनले भरपाइ गरेका थिए । त्यतिबेला शाहरुखले २५ करोड रुपैयाँ तिरेका थिए ।