२१ जेठ २०८३, बिहीबार
सरकारले राष्ट्रिय सभाको रिक्त एक सिटका लागि माघ २५ गते चुनाव गर्ने निर्णय गरेको छ ।
बिहीवार बसेको मन्त्रिपरिषद् बैठकले राष्ट्रिय सभाको रिक्त एक स्थानमा माघ २५ गते चुनाव गर्ने निर्णय गरेको उपप्रधान एवं अर्थमन्त्री विष्णु पौडेलले जानकारी दिए ।
राष्ट्रिय सभामा नेकपा एमाले संसदीय दलको नेता समेत रहेका खिमलाल भट्टराईले राजीनामा दिएपछि १ सिट रिक्त छ । बिहीवारको मन्त्रिपरिषद् बैठकले पोखरा अन्तर्राष्ट्रिय विमानस्थलमा भन्सार कार्यालय स्थापना गर्ने पनि निर्णय गरेको छ ।
सरकारले बाजुरामा चुनावको बेला मृत्यु भएका चेतन ऐडीका परिवारलाई आर्थिक सहयोग गर्ने निर्णय गरेको छ । कम्बोडियाको एक क्यासिनोमा आगलागी हुँदा मृत्यु भएका झापाका निराकार पाण्डेको शव नेपाल ल्याउन आर्थिक सहयोग गर्ने पनि सरकारले निर्णय गरेको छ ।
