विदेशबाट फर्केका श्रमिकलगायतबाट जफत गरिएका मोबाइल सेट लिलामीमा राखिएको छ ।  त्रिभुवन विमानस्थल भन्सार कार्यालयले विभिन्न मितिमा जफत गरिएका आईफोनसहितका अन्य मोबाइल सेट लिलाम बिक्रीका लागि सूचना जारी गरेको हो ।  

भन्सार कार्यालयले पुस १८ गते जारी गरेको सार्वजनिक सूचनामा १५१ थान मोबाइल सेट बिक्री गरिने उल्लेख छ । उक्त मोबाइल फोन सेटको न्यूनतम् मूल्य ९३ लाख ५४ हजार रुपैयाँ कायम गरिएको छ । 

सूचनामा भनिएको छ, ‘यात्रु जाँचपास तथा सहजीकरण शाखाबाट जफत भई यस कार्यालयमा दाखिला भएका ति मोबाइलहरू भन्सार नियमावली, २०६४ को नियम ३५ को उपनियम २ मा भएको व्यवस्थाअनुसार सिलबन्दीको माध्यमद्वारा लिलाम बिक्री गरिने छ ।’ 

मोबाइल फोन खरिद गर्न चाहने इच्छुक फर्म तथा संस्थाले १५ दिनभित्र गोप्य सिलबन्दी दरभाउपत्र पेश गर्न भनिएको छ ।