०४ असार २०८३, बिहीबार
चर्चित गायिका मेलिना राईले पोखरा महोत्सवमा तय भएको आफ्नो साङ्गीतिक प्रस्तुति रद्द गरेकी छिन् ।
राईको आज (मंगलवार)बेलुका महोत्सवमा प्रस्तुति तय गरिएको थियो ।
पोखरामा दुःखद् घटना घटेपछि उनले आफ्नो प्रस्तुति रद्द गरेको सामाजिक सञ्जालमार्फत जानकारी दिएकी छिन् ।
उनले स्टाटसमार्फतआफू उपस्थिति हुन नसक्ने भएकोमा आयोजकसँग माफी समेत मागेकी छिन् ।
उनले लेखेकी छिन्, ‘पोखरामा त्यत्रो दुर्घटना भए लगत्तै कार्यक्रम मनाउन मैले सकिनँ । मेरो मर्यादा र भित्री आत्माले मलाई त्यसो गर्न दिएन त्यसैले कार्यक्रममा उपस्थिति जनाउन सकिनँ ।’
उनले आफ्नो प्रिय पोखरालाई पछि भेट्ने वाचा गरेकी छिन् ।
आइतबार पोखरामा यती एयरलाइन्सको विमान दुर्घटनामा ज्यान गुमाउने ७० जनाको शव फेला पारिएको छ । दुई जना अझै बेपत्ता छन् । विमान दुर्घटनापछि अन्य कलाकारहरूले समेत पोखरामा र आसपासका क्षेत्रमा सांगीतिक प्रस्तुति तत्काललाई स्थगित गर्न थालेका छन् ।
