०१ असार २०८३, सोमबार
देशभर पश्चिमी वायूको सामान्य असर कायमै रहेकाले आज सुदूरपश्चिम र कर्णाली प्रदेशको एक दुई भूभागमा हल्का वर्षा र उच्च पहाडी भूभागमा हल्का हिमपात हुनसक्ने जल तथा मौसम विज्ञान विभागले जनाएको छ ।
आज राति प्रदेश १, कर्णाली, सदूरपश्चिम प्रदेशका केही भूभागमा सामान्य बदली रहने छ । बाँकी भागमा मौसम सामान्यतः सफा रहने छ ।
सोहीअनुसार भोलि सोमबार पनि सुदूरपश्चिम, कर्णाली, लुम्बिनी र गण्डकी प्रदेशका केही भूभागमा आंशिक बदली रहने विभागको भनाइ छ । सुदूरपश्चिम, कर्णाली र लुम्बिनी प्रदेशको केही भागमा हल्कादेखि मध्यम वर्षा हुनेछ ।
त्यस्तै, मंगलबार पनि कर्णाली, लुम्बिनी र गण्डकी प्रदेशका केही भूभागमा आंशिक बदली रहने छ । सो दिन पनि ती प्रदेशका केही भूभागमा हल्का वर्षाको सम्भावना रहेको विभागले जनाएको छ । देशको उच्च पहाडी भूभागमा हल्का हिमपातको पनि सम्भावना छ ।
तराईका केही स्थानमा विहानीपख हुस्सु र कुहिरो लाग्ने हुनाले जनजीवन प्रभावित हुने र केही हवाई उडान समेत प्रभावित हुनसक्ने विभागले जनाएको छ । चिसोबाट बच्न सतर्कता अपनाउन पनि आग्रह गरेको छ ।
