एक युवतीले आफ्नै साथीको नाममा  फेक आइडी खोलेर अवैध आर्थिक कारोबार गर्ने गरेको खुलेको छ । फेसबुक, इस्टाग्रामजस्ता सामाजिक संजाहरुको दुरुपयोग गरी अष्ट्रेलियामा रहेकी केटी साथीको नाममा फेक अकाउन्ट खोलेर गलत कार्य गरेको आरोपमा प्रहरीले सुनसरीको रामधुनी गाँउपालिका वडा नम्बर ४ घर भई हाल काठमाडौँको नयाँबस्ती बस्ने २० वर्षीया युनिसा भन्ने स्वस्तिका श्रेष्ठ पक्राउ गरेपछि यस्तो रहस्य खुलेको छ । 

उनले साथीको फोटो, स्टाटस समेत अपलोड गरेर केटा साथीहरुलाई म्यासेन्जर मार्फत बिभिन्न बहाना बनाई रकम माग्ने गरेको खुलेको प्रहरीले जनाएको छ । सो सम्बन्धमा साइबर ब्युरोमा उजुरी परेपछि श्रेष्ठ पक्राउ गरेकी हुन् । उनले आफ्नो बैंक तथा ईसेवा वालेटहरुमा रकम पठाउन लगाउँदै रकम लिएर ठगी गर्ने गरेको पाइएको प्रहरीले जनाएको छ । 

मंगलबार पक्राउ परेकी उनीविरुद्ध विद्युतीय कारोवार कसूर अन्तर्गत आवश्यक अनुसन्धान भइरहेको जनाइएको छ ।