राप्रपानिकट विद्यार्थी संगठन राष्ट्रिय प्रजातान्त्रिक विद्यार्थी संगठनले आगामी साउन मसान्तमा महाधिवेशन गर्ने निर्णय गरेको छ। 

माघ २८ र २९ गते काठमाडौंमा सम्पन्न भेलाले यस्तो निर्णय गरेको हो। उक्त भेलाले ७ वटा बुँदामा निर्णय गरेको छ। 

सम्पूर्ण जिल्ला र क्याम्पस तहमा संगठन आक्रामक ढंगबाट विस्तार गर्ने पनि भेलाले निर्णय गरेको छ।

भेलामा प्रस्तुत गरिएको विधानलाई संशोधनसहित आगामी महाधिवेशनमा पेश गर्ने अनुमति पनि प्रदान गरिएको छ ।

भेलाले गरेका अन्य निर्णयहरू

-संगठनको आगामी महाधिवेशनलाई व्यवस्थित र विधिसम्मत ढंगबाट सम्पन्न गर्न  कमल रजवार ९बम०को संयोजकत्वमा केन्द्रीय महाधिवेशन आयोजक समिति गठन गरिएको छ ।

-आगामी स्ववियु निर्वाचनमा त्रिवि अन्तर्गतका आंगिक र सम्बन्धन प्राप्त सबै क्याम्पसमा संगठनको उमेदवार खडा गर्ने र संगठनको सम्पूर्ण शक्ति स्ववियु निर्वाचनमा परिचालन गर्ने निर्णय गरिएको छ।

-हरेक वर्ष पाठ्यपुस्तक छपाइ, वितरणमा देखिएको समस्या र विद्यार्थीले भोग्नुपरेको सास्तीलाई दृष्टिगत गर्दै समयमै पाठ्यपुस्तक छपाइको प्रक्रिया प्रारम्भ गर्न संगठनले माग गरेको छ।

-बर्सेनि रोजगार बजारमा उत्पादित युवा जनशक्तिलाई स्वदेशमै उचित रोजगारीको व्यवस्था गर्न संगठनले सरकारसँग माग गरेको छ।

-देशको वर्तमान शैक्षिक क्षेत्रको सुधार र शिक्षामा देखिएको विकृति र विसंगति अन्त्यका लागि सबै विद्यार्थी संगठनबीच साझा धारणा बनाउन राप्रविसंले आवश्यक पहलकदमी लिने निर्णय गरिएको छ।

भेलाले कमल बम रजवारलाई महाधिवेशन आयोजक समितिको संयोजक पनि चयन गरेको छ ।