नयाँ दिल्ली, ८ भदौ– भारत भ्रमणमा रहेका प्रधानमन्त्री शेरबहादुर देउवाले अहिंसावादी नेता महात्मा गान्धीको समाधीमा पूष्पगुच्छा अर्पण गरेका छन् ।
दिल्लीको राजघाटस्थित समाधीस्थलमा पुगेर प्रधानमन्त्री देउवा र देउवाकी धर्मपत्नी आरजु देउवाले गान्धीको समाधीमा पुष्पगुच्छा अर्पण गरेका हुन् ।
देउवाले केही बेरमा भारतीय विदेशमन्त्री सुष्मा स्वराजसँग औपचारिक भेटवार्ता गर्नेछन् । यसअघि देउवालाई भारतीय राष्ट्रपति भवनमा विशेष राजकीय सम्मान ‘गार्ड अफ अनर’ प्रदान गरिएको थियो ।
