२३ असार २०८३, मंगलबार
लुम्बिनी प्रदेश सरकारमा जनता समाजवादी पार्टी (जसपा) नेपाल सहभागी भएको छ ।
जसपा संसदीय दलका नेता भण्डारीलाल अहिरलाई मुख्यमन्त्री लीला गिरीको सिफारिसमा प्रदेश प्रमुख अमिक शेरचनले आइतवार नियुक्त गरेका थिए ।
अहिरले सोमवार प्रदेश प्रमुखको कार्यालय बुटवलमा पद तथा गोपनीयताको शपथ लिएका छन् ।
अहिले बाँके २(१) बाट निर्वाचित अहिरलाई कृषि तथा भूमि व्यवस्था मन्त्रालयको जिम्मेवारी दिइएको छ । एमालेका तुल्सीराम शर्माले सम्हाल्दै आएको मन्त्रालय अहिलेलाई दिइएको हो ।
शर्मालाई विना विभागीय बनाएर मुख्यमन्त्री तथा मन्त्रिपरिषद् कार्यालयको जिम्मेवारी दिएको छ । अब लुम्बिनीमा मुख्यमन्त्रीसहित १० मन्त्रालय र ११ जना मन्त्री भएका छन् ।
जसमध्ये एमाले मुख्यमन्त्रीसहित ५, माओवादी केन्द्र ३ तथा जनमत, राप्रपा र जसपाका १/१ मन्त्री छन् । माओवादीको भागमा परेकामध्ये पुस २८ गते मन्त्रीको शपथ लिएकी कृष्णा केसीलाई माघ २८ गते आन्तरिक मामिला, कानून तथा सहकारी मन्त्रालयको जिम्मेवारी दिइए पनि उनले पद स्वीकार गरेकी छैनन् ।
