गौर नगरपालिका –६ स्थित गौर बसपार्कमा ड्युटीमा खटिएको प्रहरीलाई हातपात तथा गाली गलौज गरेको अभियोगमा चपुर नगरपालिका –४ बस्ने २० वर्षीय सुदर्शन साहलगायत ५ जनालाई प्रहरीले पक्राउ गरेको छ । 

अस्थाई प्रहरी पोष्ट बसपार्कबाट खटिएको प्रहरीले सो बसपार्कमा छरिएर रहेका सवारी साधनहरू व्यवस्थापन गर्नेक्रममा ग. १ ख ६१०७ नम्बरको बसको कन्डक्टर साहले प्रहरीमाथि अपशब्द प्रयोग गरी गाली गलौज गरेपछि सोमबार दुई पक्षबीच धक्कामुक्का भएको थियो । 

साहलाई नियन्त्रणमा लिएपछि अन्य व्यक्तिहरूले प्रहरीमाथि गाली गलौज, हातपात तथा कुटपिट गरेपछि थप ४ जनालाई प्रहरीले पक्राउ गरेको जनाएको छ । हातपात गर्नेमाथि कानुनअनुसार कारवाही हुने रौतहट प्रहरीले बताएको छ ।