भारतको दिल्लीस्थित तिहाड जेलमा कैद कुख्यात ग्यांगस्टर नीरज बवाना र लरेन्स बिश्नोईलाई कसरी हतियार पुगिरहेको छ भनी भारतको राष्ट्रिय अनुसन्धान निकाय (एनआईए) ले छाननिब गरिरहेको छ । 

उत्तर प्रदेशको राजधानी लखनउ सहित पीलीभीत र प्रतापगढमा ग्यांगस्टरहरूलाई हतियार आपूर्ति गर्ने नेक्ससमाथि छापा मारिएको छ । यूपी सहित आठ राज्यमा मंगलवार छापा मारिएको हो । 

नेपालको बाटो भएर ती हतियारहरूको आपूर्ति हुने गरेको जानकारी एनआईएले पाएको छ । 

ग्यांगस्टरहरूसँग जोडिएका मानिसलाई गरिएको सोधपुछका आधारमा छापा मारिएको हो । आतंकवादमा लगानी र हतियार आपूर्ति केसमा निकै तयारीपछि छापा मारिएको हो ।