२३ असार २०८३, मंगलबार
भारतको मुम्बईमा उपचारत नेपाली कांग्रेसका नेता तथा सांसद डा. चन्द्रकान्त भण्डारीको स्वास्थ्यमा क्रमिक सुधार भइरहेको छ । उपचारमा संलग्न चिकित्सकका अनुसार उनको इन्फेक्सनको मात्रा कम हुँदैगएको छ ।
उपचारमा संलग्न चिकित्सिक डा. अमोल मात्रेकाअनुसार गए राति ८ लिटर प्रेसर मास्कमा उनलाई राखिएको छ । शरीरका पारामिटर सामान्य अवस्थामा छन् । आगोले जलेको विरामीलाई ज्वरो आउनु राम्रो संकेत नभएकाले नेता भण्डारीलाई अहिलेसम्म ज्वरो नरहेको डा. मात्रेको भनाइ छ ।
नेता भण्डारीलाई मंगलबार पेन किलर औषधि पनि नदिइएकाले दुखाई बढी भएको हुनसक्ने चिकित्सकले बताएका छन् । सधैं सो औषधि दिंदा अन्य समस्या आउने भन्दै उनलाई त्यो औषधि हिजो नदिइएको चिकित्सकले बताएका छन् । दुखाई बढी भएपछि शरीरको पट्टि र मास्क हटाउन भण्डारीले आग्रह गरेको उनीसँग उपचारमा सहयोग गरिरहेका सदस्यले बताएका छन् । उनको आग्रहअनुसार केही समय नर्सहरुले प्रेसर मास्क हटाएका थिए ।
जलेका घाउ निको हुन केही समय लाग्ने तर चिन्ता गर्नुपर्ने अवस्था नरहेको चिकित्सकले बताएको उपचारमा साथै रहेका योगराज कंडेलले जानकारी दिएका छन् ।
