०८ असार २०८३, सोमबार
शिद्धबाबामा सुरुङमार्ग निर्माणको काम शुरू भएपछि सिद्धार्थ राजमार्ग दैनिक ८ घण्टा बन्द हुने भएको छ ।
सिद्धार्थ सुरुङमार्ग योजनाले शनिवारदेखि दैनिक दिउँसो र राति गरी यातायातको आवागमनलाई रोकेर काम अगाडि बढाउन लागेको हो ।
शिद्धबाबा रुपन्देही र पाल्पाको संगमस्थलमा नेपाल सरकारले सुरुङमार्ग बनाउन लागेको छ ।
पाल्पाको तिनाउ गाउँपालिका–३ मा रामापिथेकस पार्क नजिकै डाइर्भसन निर्माण शुरू गरिएको छ । निर्माणस्थलमाथि पहराबाट खुकुलो ढुंगा निरन्तर खसिरहेका छन् ।
त्यसलाई पूर्ण रूपमा व्यवस्थित गर्न शनिवारदेखि बिहान ११ बजेदेखि २ बजेसम्म र राति १० बजेदेखि ३ बजेसम्म सडक बन्द गर्नुपर्ने अवस्था आयोजना सडक डिभिजन कार्यालय बुटवलका योजना प्रमुख होम एसीले जानकारी दिए ।
अत्यावश्यक प्रकृतिका साना तथा मझौला सवारीलाई बेलबास नुवाकोट दोभान सडक प्रयोग गर्न भनिएको छ ।
