१२ साउन २०८३, मंगलबार
नेकपा एमालेका सचिव तथा पूर्व मन्त्री गोकर्ण विष्टले दाउपेचलाई राजनीति ठान्ने प्रवृत्तिले देशलाई थप अस्थिरतातर्फ लैजाने देखिएको बताएका छन् ।
प्रधानमन्त्री पुष्पकमल दाहाल ‘प्रचण्ड’ले एमालेसँग गरेको सहमति तोडेर राष्ट्रपतिमा नेपाली कांग्रेसलाई सघाउने निर्णय गरेपछि विष्टको यस्तो प्रतिक्रिया आएको हो ।
सचिव विष्टले एमालेले सबैखाले षड्यन्त्रको सामना गर्ने बताए ।
विष्टले भने, ‘सहमतिलाई लत्याएर दाउपेचलाई राजनीति ठान्ने प्रवृत्तिले देशलाई थप अस्थिरता र संकटतर्फ लैजाने जोखिम देखापरेको छ । यस्तो अवस्थामा हाम्रो पार्टी नेकपा एमाले सबैखाले षड्यन्त्रहरूको सामना गर्दै आफ्नै सामर्थ्यमा उभिएर अविचलित रूपमा राष्ट्र र जनताको पक्षमा नेतृत्वदायी भूमिका खेल्नेछ ।’
