अभिनेता पल शाहले उच्च अदालत पोखराको फैसलाअनुसार बलात्कार आरोपमा सफाइ पाएसँगै अभिनेत्री पूजा शर्माले खुसी व्यक्त गरेकी छन् । यससँगै अब सबै कुरा सुन्दर भएको उनको भनाइ छ । 

‘आज पानी पर्यो, सबै फोहोर पखालियो । मेरो साथी पलले सफाइ पायो । अब सबै कुरा सुन्दर भएर आयो । धन्य भगवान !’, उनले सामाजिक सञ्जालमार्फत भनेकी छन् । उनले पलको पक्षमा निरन्तर अभिव्यक्ति दिँदै आएकी छन् भने सोही विषयले उनको आलोचना समेत भएको थियो । नाबालिक बलात्कार मुद्दामा पलले सफाइ पाएका हुन् ।