राष्ट्रिय प्रहरी प्रशिक्षण प्रतिष्ठान महाराजगञ्जको सहयोगमा नेपाल प्रहरी प्रधान कार्यालय सवारी महाशाखामा १३ औं समूहको हेभी सवारीचालक तालिम सोमबारदेखि शुरु भएको छ । ३० दिने उक्त तालिममा प्रहरी हवल्दार १ जना, प्रहरी सहायक हवल्दार १४ जना र प्रहरी जवान १५ जनागरी ३० जना प्रशिक्षार्थीहरुको सहभागिता रहेको प्रधान कार्यालयले जनाएको छ ।

सवारीसँग सम्बन्धित विभिन्न ऐन, नियम तथा कानुनको बारेमा जानकारी गराउनु, सेफ्टी र डिफेन्सीभ ड्राइभिङसम्बन्धी ज्ञान तथा प्राविधिक उपायबारे जानकारी दिनु, लेन अनुसाशन तथा ट्राफिक चिन्हका बारेमा जानकारी गराउनु, हेभी सवारी साधन चलाउन, सामान्य मर्मत सम्भार गर्न र आवश्यकताअनुसार निरीक्षण गर्न सक्ने बनाउनु तालिमको उद्देश्य रहेको प्रहरी कार्यालयले जनाएको छ । 

विभिन्न  परिस्थिति तथा मौसमअनुसार हेभी साधन चलाउँदा ध्यान दिनुपर्ने कुराहरुको बारेमा समेत प्रशिक्षार्थीलाई ज्ञान प्रदान गर्ने तालिमको उद्देश्य रहेको आयोजकको भनाइ छ ।