‘छक्कापञ्जा ४’ले ल्यायो प्रमोशनल भिडियो

शुक्रबारदेखि प्रदर्शन हुन लागेको दीपकराज गिरी र दीपाश्री निरौलाको फिल्म ‘छक्कापञ्जा ४’को प्रमोशनल भिडियो सार्वजनिक गरिएको छ । 

केदार घिमिरे ‘माग्नेबुढा’को स्वरमा सार्वजनिक गीतमा फिल्मका शीर्ष कलाकारलाई व्यंग्य गरिएको छ । 

गीतको भिडियोमा केदार घिमिरे, बुद्धि तामाङ, निर्मल शर्मासँगै अन्य फिल्मका कलाकारहरूलाई प्रस्तुत गरिएको छ ।

भिडियोमा फिल्मका महत्वपूर्ण दृश्यलाई समेत समावेश गरिएको छ ।

हेमराज बीसी निर्देशित ‘छक्कापञ्जा ४’मा दीपकराज गिरी, दीपाश्री निरौला, केदार घिमिरे, बुद्धि तामाङ, निर्मल शर्मा, बेनिशा हमाल, मलिना जोशी, राज आचार्य, बेदना राई, सुष्मा निरौला, नीर शाह लगायतको अभिनय छ ।