पाकिस्तानका पूर्वप्रधानमन्त्री इमरान खानलाई तोशाखाना काण्डमा पक्राउ गर्न पाकिस्तानी प्रहरी आइतबार उनको घर पुगेको छ ।

इस्लामाबाद प्रहरीले ट्वीट गर्दै एसपी आफ्नो कोठामा पुग्दा इमरान त्यहाँ नभएका बताएको छ । त्यसपछि प्रहरी सूचना दिएर फर्किएको छ। 

प्रहरीले भनेको छ, 'पक्राउ गर्नु नै उद्देश्य होइन । यदि यसो गर्ने हो भने कुनै शक्तिले हामीलाई रोक्न सक्दैन । हामीले इमरानलाई भेटेका छैनौं।'

इमरानको तर्फबाट पूर्वविदेशमन्त्री शाह महमूद कुरैशीले यो सूचना प्राप्त गरेका थिए। 

अर्कोतर्फ इमरान खानले ट्वीट गर्दै पाकिस्तानका प्रधानमन्त्री शाहबाज शरीफ र पूर्वसेना प्रमुख जनरल बाजवामाथि खनिएका छन्। उनले लेखेका छन्, ‘बदमासलाई शासक बनाएको देशको भविष्य के होला ? 

यसअघि इस्लामावाद प्रहरीले इमरान खान पक्राउबाट बच्न निकै प्रयास गरिरहेको ट्विट गरेको थियो । इमरान मार्च ७ मा इस्लामावाद अदालतमा हाजिर हुनुपर्नेछ।