कोशी प्रदेश नामाकरण भएको एक हप्ता दिन हुन लाग्दासमेत मुख्यमन्त्री कार्यालयको बोर्ड भने पुरानै राखिएको छ ।

६३ महिनापछि गत बुधबार कोशी प्रदेश नामकरण गरिएको थियो । तीन जना मुख्यमन्त्रीले नाम राख्न नसेकेको भन्दै नाम राखेको जस लिएका मुख्यमन्त्री हिक्मत कुमार कार्कीले मुख्यमन्त्री कार्यालयकै बोर्ड भने फेर्न सकेका छैनन् ।

एक हप्ता बित्न आट्दा पनि मुख्यमन्त्री कार्यालयमा राखिएको बोर्डमा भने प्रदेश १ सरकार नै राखिएको छ । 

नेकपा एकीकृत समाजवादी र जसपा बहुपहिचानको पक्षमा उभिएका हुन् ।

चुनावमा जाँदा बुहपहिचानको कुरा गरेर जितेर आए पनि जनतालाई धोका दिने खेल प्रदेश सांसदहरूले गरेका निवर्तमान मुख्यमन्त्रीसमेत रहेका राजेन्द्र राईले बताए ।

कोशी नाम अञ्चल हुँदासमेत भएकाले संघीयता आएपछि पनि त्यही नाम राख्दा कुनै परिवर्तन नदेखिएको उनको भनाइ छ ।

प्रदेश १ मा ९३ जना सांसद छन् ।

नामकरणको टुंगो लगाउन ६२ जना सांसद आवश्यक पर्थ्यो । तर प्रदेशसभामा ८२ सांसदले कोशीको पक्षमा मत हाल्दा ४ सांसदमात्रै विपक्षमा थिए ।