१५ असार २०८३, सोमबार
सोमवार पद तथा गोपनीयताको शपथ लिएका नवनियुक्त राष्ट्रपति रामचन्द्र पौडेललाई भारतीय समकक्षी द्रौपदी मुर्मुले औपचारिक बधाई दिएकी छन् ।
भारत सरकार र स्वयं आफ्नो तर्फबाट नेपालका नयाँ राष्ट्रपति पौडेललाई बधाई तथा शुभकामना दिएको बेहोराको औपचारिक पत्र उनले पठाएकी छन् ।
बधाई सन्देशमा मुर्मुले नेपाल र भारतबीचको हार्दिक तथा बहुपक्षीय सम्बन्धको स्मरण गर्दै विगत कैयौं वर्षदेखि द्विपक्षीइ सम्बन्धमा उल्लेख्य प्रगति भएको उल्लेख गरिन् । यसबाट दुवै देशका जनतालाई पारस्परिक लाभ प्राप्त भएको उनको भनाइ छ ।
राष्ट्रपति पौडेलको निर्देशनमा दुई देशको चौतर्फी सहकार्य थप बलियो हुने विश्वास पनि मुर्मुले राखेकी छन् । द्विपक्षीय साझेदारीलाई संवर्धन तथा सबलीकरण गर्नका लागि निकट रही काम गर्ने इच्छा पनि उनले बधाईपत्रमा उल्लेख गरेकी छन् ।
