१० साउन २०८३, आइतबार
राजधानीमा जारी शहीद स्मारक ए डिभिजन लिग फुटबल प्रतियोगिता अन्तरगत मंगलबार तीन वटा खेल हुँदैछन्।
जसअनुसार दुई खेल दशरथ रंगशाला र एक खेल सातदोबाटोस्थित एन्फा कम्प्लेक्समा हुने जनाइएको छ ।
एन्फा कम्प्लेक्समा दिउँसो साढे २ बजे हुने खेलमा संकटा क्लब र चर्च ब्वाइज युनाइटेडबीच प्रतिस्पर्धा हुनेछ।
यस्तै सोही समयमा दशरथ रंगशालामा जावलाखेल युथ र फ्रेण्ड्स क्लबबीच पनि प्रतिस्पर्धा हुनेछ ।
दशरथ रंगशालामै साँझ साढे ५ बजे मछिन्द्र र नेपाल पुलिस भिड्ने छन्।
