११ साउन २०८३, सोमबार
चीनले लद्दाखको गलवानमा भएको भिडन्तमा उपयोग गरिएको धारिलो र काँडेदार हतियार फेरि किन्न थालेको छ ।
त्यहाँको सामाजिक सञ्जाल वेबोमा यस्तै एक हतियारको तस्वीर भाइरल भएको छ । तस्वीरमा एक चिनियाँ सैनिकले काँडेदार हतियार बोकेको देखिन्छ ।
यसलाई अंग्रेजीमा कम्बाइन्ड मेस भनिन्छ । अर्थात्, यो काँडा भएको मुंग्रो हो ।
यस्तै किसिमको हतियार चिनियाँ सैनिकहरूले सन् २०२० को १४–१५ जुनको राति गलवान उपत्यकामा भएको भिडन्तमा उपयोग गरेका थिए ।
इन्डिया टुडेको रिपोर्टअनुसार, चीनले भारत–चीन सीमामा शान्तिबहालीका लागि कोशिश गरिरहेको भए पनि हातैले भिडन्त गर्दा उपयोग हुने हतियार पनि किनिरहेको छ ।
विज्ञहरूले भारतीय सैनिकमाथि चिनियाँहरूद्वारा यस्तै हतियारबाट प्रहार हुन सक्ने आशंका गरेका छन् ।
एउटा रिपोर्टमा चीनले २६ सयवटा काँडेदार मुंग्रो किनेको दाबी गरिएको छ । जनवरी २०२३ मा चीनले यस्तो हतियार किन्ने स्वीकृति दिएको थियो । फेब्रुअरीमा यो हतियार किनिएको चिनियाँ सेनाले घोषणा गरेको छ ।
