निसानको आधिकारीक विक्रेता पायोनियर मोटो कर्प प्रालिले बिक्री गर्दै आएको गाडीमा एभरेष्ट बैंकले कर्जा दिने भएको छ ।

बैंक र पायोनियरबीच भएको सम्झौता भएको हो। 

दुई संस्थाबीच भएको सम्झौता पत्रमा बैंकको तर्फबाट कर्पोरेट हेड  हरिश कुमार आचार्य र पायोनियर मोटो कर्प प्रालिको तर्फबाट सह-महाप्रबन्धक ज्ञानेन्द्र बहादुर चन्दले हस्ताक्षर गरेका हुन् । 

सम्झौतापछि निसानले उत्पादन गरेका गाडीहरूमा खरिद गर्दा छिटो, छरितो र सहजताका साथ प्रतिस्पर्धी ब्याजदरमा सवारी साधन कर्जा उपलब्ध गराउने जारी विज्ञप्तिमा उल्लेख छ । 

यो सहयोगले निसानबाट गाडी खरिद गर्न चाहने ग्राहकहरूलाई सुलभ र सहज  वित्तीय सेवाहरू प्रदान गर्न लक्ष्य राखेको छ।

समझौताअनुसार योजना सबै एभरेष्ट बैंकका सबै शाखाहरूबाट ग्राहकहरूलाई गाडीको लागि सुलभ ऋण सुविधाहरू सजिलो उपलब्ध हुनेछ।

विद्युतीय गाडीका लागि बेस रेट + 3.50% विद्युतीयबाहेक गाडीका लागि + 4.00% लागि बेस रेट हुने जनाइएको छ। यसमा ७ वर्षको अवधिसहित र सेवा शुल्क मात्र ०.५ प्रतिशत हुने जनाइएको छ। 

केवल २० प्रतिशतको डाउन पेमेन्टमा ग्राहकहरूले निसानको विद्युतीय गाडी पाउनेछन्।