झण्डै तीन सातापछि आइतबार प्रतिनिधि सभाको बैठक बस्दैछ ।

संसद भवन नयाँ वानेश्वरमा दिउसो १ बजे बस्ने बैठकमा प्रधानमन्त्री पुष्पकमल दाहाल प्रचण्डले ‘बेपत्ता पारिएका व्यक्तिको छानविन, सत्य निरुपण तथा मेलमिलाप आयोग’ तेस्रो संशोधन विधेयक २०७९ पेश गर्ने कार्यसूची छ ।

फाष्ट ट्र्याकबाट पारित गर्नेगरी सरकारले आज प्रतिनिधि सभामा विधेयक टेबुल गर्न लागेको हो । 

सभामुख देवराज घिमिरेले सोमवार बस्ने बैठकमा प्रधानमन्त्री पुष्पकमल दाहाल प्रचण्डले विश्वासको मत लिने जानकारी दिने संसद सचिवालय स्रोतले जानकारी दियो ।

गत फागुन १५ गते बसेर १८ गतेका लागि सारिएको बैठक सूचना मार्फत चैत्र ५ गतेसम्म स्थगित गरिएको थियो ।