०३ असार २०८३, बुधबार
गायक रामचन्द्र चन्दले नयाँ गीत सार्वजनिक गरेका छन् ।
समीक्षा अधिकारीसँगको युगल स्वरमा उनले ‘घाँटी रेट्नलाई’ बोलको गीत ल्याएका हुन् ।
यो प्रेम विरहको गीतको शब्द प्रकाश न्यौपानेले कोरेका हुन् । नन्दु परियारको संगीत रहेको गीतमा बिनोद बाजुरालीको संगीत संयोजन छ ।
सिर्जन बराल (ऋषि)को कथा एवं निर्देशनमा तयार भिडियोमा जीबी चिरन र यशु भट्टराईको अभिनय छ ।
अञ्जना दुलाल, रोयल प्रिन्स सिंह लगायतको समेत अभिनय रहेको भिडियोलाई राम केसीले छायाँकन, अमृत चागागाईँले सम्पादन गरेका हुन् ।
गायक चन्दले आफ्नै ‘रामचन्द्र चन्द’ युट्युब च्यानलमार्फत यो गीत सार्वजनिक गरेका हुन् ।
