भारतको गुजरातस्थित सुरतमा रहेको एक अदालतले कांग्रेस नेता राहुल गान्धीलाई दुई वर्षको कैद सजायको फैसला दिएको छ । 

सन् २०१९ मा उनीविरुद्ध दायर गरिएको फौजदारी मानहानिको मुद्दामा उनलाई दोषी ठहर गरी सजाय दिइएको हो । 

प्रमुख न्यायिक मजिस्ट्रेट एचएच वर्माले राहुललाई भारतीय दण्ड संहिताको धारा ४९९ र ५०० अन्तर्गत दोषी ठहर गरेका हुन् । 

उनलाई उच्च अदालतमा पुनरावेदन गर्नका लागि ३० दिनसम्म सजाय निलम्बन गरिएको छ र धरौटी राख्न पाउने सुविधा पनि दिइएको छ । 

आफूविरुद्ध जिाय सुनाइँदा राहुल सुरत अदालतमा उपस्थित थिए । 

राहुल गान्धी दुई वर्षका लागि कारागार गएमा लोकसभा सदस्य पदबाट बर्खास्त हुनेछन् । उनीविरुद्धको सजायलाई उच्च अदालतले उल्ट्याइदिए मात्र उनको लोकसभा सदस्य पद बहाल रहन्छ ।