युद्धका कारण क्षतिविक्षत बनेको युक्रेनको पुनर्निर्माणका लागि लगभग ४११ अर्ब डलर खर्च लाग्ने अनुमान गरिएको छ । 

युक्रेन सरकार, विश्व बैंक, युरोपेली आयोग र संयुक्त राष्ट्रसंघले मिलेर गरेको मूल्यांकनमा यस्तो अनुमान गरिएको हो । 

महत्त्वपूर्ण तथा प्राथमिकतामा रहेका पुनर्निर्माण लगानीमा यो वर्ष मात्र १४ अर्ब डलर खर्च हुनेछ । सरकारले यसका लागि छुट्ट्याएको बजेटका साथै ११ अर्ब डलर बाह्य लगानी आवश्यक पर्नेछ । 

‘ऊर्जा पूर्वाधार, आवास, महत्त्वपूर्ण पूर्वाधार, अर्थतन्त्र र मानवीय डिमाइनिङ यस वर्षका हाम्रा पाँच प्राथमिकता हुन्,’ युक्रेनका प्रधानमन्त्री डेनिस श्मिगलले बयान जारी गरेर बताए । 

यही समूहले गत सेप्टेम्बर महिनामा गरेको मूल्यांकनभन्दा अहिलेको रकम ६० अर्ब डलर बढी हो ।