१४ असार २०८३, आइतबार
रामेछापको खाँडादेवी गाउँपालिका–१ राकाथुमको बेलपोखरी डाँडा (ठुटे पिपलबोट) मा बा१६च ३८२५ नम्बरको बलेरो जीप दुर्घटना हँुदा १ जनाको घटनास्थलमै मृत्यु भएको छ भने ७ जना घाइते भएका छन् ।
शनिवार साँझ भएको दुर्घटनामा मृत्यु हुनेमा खाँडादेवी–७ का ३३ वर्षीय कर्मसिंह तामाङ रहेका प्रहरी नायब उपरीक्षक होमबहादुर पराजुलीले जानकारी दिए ।
उनका अनुसार जीप सडकबाट करीब ४०० मिटर तल खसेको थियो ।
घाइतेमध्ये २ जनाको अवस्था गम्भीर रहेको छ । जीप सुनापति गाउँपालिकाको दिमीपोखरीबाट काठमाडौं जाँदै गरेको थियो । घाइतेलाई उपचारका लागि धुलिखेल अस्पताल पठाइएको छ ।
