२८ जेठ २०८३, बिहीबार
सरकारले मिटरब्याज पीडितको समस्या समाधान गर्न छानबिन समिति गठन गरेको छ । सोमबार बसेको मन्त्रिपरिषद् बैठकले पूर्वन्यायाधीश गौरीबहादुर कार्कीको नेतृत्वमा तीन सदस्यीय छानबिन समिति गठन गर्ने निर्णय गरेको सरकारको प्रवक्ता समेत रहेकी सञ्चारमन्त्री रेखा शर्माले जानकारी दिइन् ।
समितिमा पूर्वएआईजी उत्तमराज सुवेदी र डिआईजी गणेशबाबु अर्याल रहेका छन् । समितिलाई छानबिनका लागि ३ महिनाको समय दिइएको छ । यस्तै समितिको कार्यालय जनकपुरमा रहने तय भएको छ ।
शनिबार सरकारी वार्ता टोली र आन्दोलनरत पक्षबीच भएको सहमतिअनुसार मिटरब्याज पीडितको माग सम्बोधन गर्न बैठकले आवश्यक निर्णय गरेको हो।
