यो मेला अटो मोबाइल क्षेत्रको ठूलो प्रर्दशनी हो । अटो मोबाइल क्षेत्रका सबै जिम्मेवार व्यक्तिहरु उपस्थित भएर अटो मोबाइल क्षेत्रका सबै कुराहरु जानकारी गराउने उद्देश्य यो मेला आयोजना गर्ने गर्छौ । यहाँ सबै कम्पनीहरुले ग्राहकलाई आकर्षित गर्न आकर्षक योजना बनाएका हुन्छन् । नयाँ सवारीसाधन पनि सार्वजनिक गर्छन् । नाडा अटो शोलाई सबै कम्पनीले आफ्नो उत्पादन सार्वजनिक गर्ने उपयुक्त अवसरको रुपमा ठान्दछन् ।

एकै थलोमा ठूलो संख्यामा ग्राहकवर्ग आएर सवारीसाधन खरिद तथा अर्डर गर्ने भएकाले यो अवसरबाट कोही पनि चुक्न चाहदैन । व्यवसायीले बजारमा आएको नयाँ उत्पादनलाई सुपथ मूल्यमा किन्न र बुक गर्ने मौका दिन्छ । यो हिसाबले हेर्ने हो भने उपभोक्तालाई नाफा पुगेको देखिन्छ । त्यसैले ग्राहकका लागि एउटा महत्वपूर्ण अवसर हो । उपभोक्ताहरुले व्यवसायीसँग छलफल तथा अन्तकृया गरी, आफुले किन्ने सवारी साधनबारे राम्रोसँग जान्ने र किन्ने राम्रो अवसरका रुपमा पनि यसलाई लिन सकिन्छ । यो अवसर अटो मोबाइल क्षेत्रको कुम्भ मेला सरह नै हो । 

दशैंमा मिठो खाउ नयाँ लगाउ भन्ने सबैको ईच्छा हुन्छ । श्रमजीवि तथा कर्मचारीले दशैंमा बोनस पाउछन् । आम उपभोक्ताले दशैंमा केही नयाँ किन्छु भनेर योजना बनाएको हुन्छ । यो मेलामा नयाँ प्रडक्ट सार्वजनिक हुन्छ । नेपालमा उपलब्ध हुने सबै सवारीसाधन एउटै थलोमा हेरेर छान्न पाइन्छन् । त्यसैले यो आम नागरिकका लागि ठूलो अवसर पनि हो । दशैंबाहेक नयाँ वर्ष र समर सिजनमा पनि ग्राहकलाई आकर्षित गर्ने स्कीमहरु आएका हुन्छन् । दशैं अगाडी चाँही धेरैले नयाँ गाडी किन्ने भएको हुनाले यो बेला चाँही विशेष कार्यक्रम आयोजना हुन्छ ।  यद्यपि अटोमोबाइल क्षेत्रले दशैंमा मात्र नभई अरु समयमा पनि प्रर्बद्धनात्मक कार्यक्रम गरिरहेको छ । अटोमोबाइल व्यवसायीले वर्षमा मात्र करिब तीन पटक प्रर्बद्धनात्मक कार्यक्रम गरिरहेका छन् ।

एन्ट्री लेबलका गाडीको बजार हिस्सा करिब २० प्रतिशतको छ । एसयुभी सेग्मेन्टको कार करिब ३० प्रतिशत छ । मिड साइजको कारको करिब ५० प्रतिशतकै हाराहारी पुग्न आउँछ । यसमा ट्याक्सीको कुरा जोड्न सकिदैन । किनकी ट्याक्सी नियमित बिक्री हुने होइन । एउटा निश्चित समयमा सरकारले नम्बर प्लेट दिने भएकाले यसलाई तुलना गर्न मिल्दैन ।

गत वर्षको तथ्यांक हेर्दा हुन्डाईको बजार हिस्सा ३० प्रतिशत थियो । विस्तारै यसको बजार बढिरहेको छ । बिचमा समग्र अटो मोबाइल क्षेत्रसँगै अटोमोबाइल लोन घटेपछि यसको बजारमा पनि खस्कियो । यद्यपि अहिले फेरी अटो लोनको सुविधाले राहत थपिएको छ । अहिले हुण्डाइले ३३ प्रतिशत बजार हिस्सा आगटेको छ ।

पछिल्ला वर्षहरुको अवस्था हेर्दा सवारीसाधनको आयात तथा कारोबार प्रत्येक वर्ष बढ्दै गइरहेको छ । सन् २०१० पछिको अवस्था हेर्दा प्रत्येक वर्ष २० देखि ३० प्रतिशतले बृद्धि भएको छ । चालु आर्थिक वर्षकोे मौद्रिक नीति घोषणापश्चात जब अटो मोबाइल क्षेत्रले ६५ प्रतिशत सम्म पाउने भयो । यसले अझै ठूलो राहत पुगेको छ । गत आर्थिक वर्षमा बजारमा तरलता अभाव देखिएपछि बैंकहरुले अटोलोनमा कडाइ गरेपछि केही खस्किएको बजार फेरी उकालो लागेको छ । त्यसैको एउटा उदाहरण नाडा अटो शोमा १० वटा बैंक फाइनान्स कम्पनीहरु सहभागी भएका छन् । यो निकै सकारात्मक पक्ष हो ।

सवारीसाधन विलासिता हुँदै हौइन । सवारीसाधनको कुनै पनि देशको सम्बृद्धिको आधार तय गरेको हुन्छ । कुनै पनि व्यक्तिले समयमा आवतजावत होस् र कार्य क्षमता बढोस् भन्ने उद्देश्यले आफ्नो सवारीसाधन ऋण गरेर किनेको हुन्छ । यसलाई कसरी विलासी भन्ने रु कोही पनि मान्छेले सवारी साधन रहरले किन्दैन । राज्यले भरपर्दो र सुरक्षित सार्वजनिक सवारी साधनको व्यवस्था गर्नुपथ्र्यो, त्यो गर्न नसक्दा नेपालमा नीजि सवारीसाधन नितान्त आवश्यक भएको छ ।

बैंकले आकर्षण बढाइदिएको छ । अहिले गाडी किन्दा भविष्यको कमाइको प्लान गर्न सकिन्छ । त्यसैले अहिले कसैले पनि आयातको हिसाबले भन्दा बजारको मागको आधारमा लिनुपर्छ । जुन वस्तुलाई उपभोग गरेर देश समाज तथा व्यक्ति चलायमान हुन्छ, त्यही यो अटो मोबाइल त्यसैले यो उत्पादक वस्तु पनि हो । अटो मोबाइल जति चक्का गुड्छ त्यति नै अर्थतन्त्र अगाडी बढ्छ ।

अहिले पनि अटो मोबाइल आम सर्बसाधारण पहुँचमा पुग्न सकेको छैन । यसमा पहुँच बढाउन कसले के गर्नुपर्छ रु

सबैभन्दा पहिले त यसलाई सर्बसुलभ बनाइनुपर्छ । विश्वमै नभएको २ सय ५० प्रतिशत बढी राजश्व घटाउनुपर्छ । आम सर्बसाधारणको पहुँचमा बनाउनु त राज्यले सक्छ नि । कि भरपर्दो, सुरक्षित सार्वजनिक सवारीसाधनलाई कि प्रभावकारी बनाउनुपर्छ कि त राज्य नीजि सवारीसाधनमा आम जनताको पहुँच बढाउनुपर्छ । सवारी साधनको विस्तारले व्यापार विविधिकरण भइरहेको छ । अर्थतन्त्र उकालो लागिरहेको छ । त्यसैले हामीले गाडी बेचिरहेका छैनौं मोबिलिटी (गति) बेचिरहेका छौं ।

विस्तारै भौतिक पूर्वाधारमा पनि विकास भइरहेको छ । सडक पुग्न बाँकी २ वटा जिल्लामा यो वर्ष सडक पुर्याउने सरकारले लक्ष्य लिएको छ । यो कुरामा नारामा मात्रै सिमित भएन भने सडकमा गाडीसँगै विकास गुडिरहेको हामीले बुझ्नुपर्छ ।  अहिले पनि नेपालमा कूल जनसंख्या ७ प्रशितले मात्रै मोटरसाइकल चढिरहेका छन् भने चारपांग्रे सवारीसाधन शुन्य दशमलव ७ प्रतिशतले चढिरहेका छन्, के आवश्यकता यत्ति मात्रै हो ?

यो समयको कुरा हो, मागको कुरा हो । खास कुरो के हो भने हामी जनसंख्या दिनप्रतिदिन बृद्धि गरिरहेका छौं, तर उनिहरुको अधिकार सवारीसाधन खरिदमा चाहीँ कडाइ गरिदिने रु राज्यले आवश्यक भौतिक पुर्वाधारको विकास गर्नुपर्छ । अहिले सडकहरुको विकासको अवस्था सिंगल डिजिटमा मात्रै बढिरहेको छ । आजभन्दा २० वर्ष पहिला काठमाडौं र अहिले त जनसंख्याकै हिसाबले धेरै फरक छ नि । त्यतिबेला करिब १० लाख जनसंख्या रहेको काठमाडौंको जनसंख्या अहिले झण्डै ८० लाख छ । त्यसैमाथि डेरा गरी बस्ने पनि छन् ।

जनसंख्याको हिसाबले सडकको विकास त भएकै छैन यो कुरा राज्यले बुझ्नुपर्छ । सवारीसाधन अर्थतन्त्रको आधार हो, त्यसैले सवारीसाधन बढाउनुपर्छ तर सँगै सडक पनि बढाउनुपर्छ । सवारी साधनले त झण्डै २१ रोजगारी सृजना पनि त गरेको छ ।