२७ असार २०८३, शनिबार
निर्वाचन आयोगले ३ क्षेत्रमा हुने उपनिर्वाचनको लागि आज बुधवार उम्मेदवारको अन्तिम नामावली सार्वजनिक गर्ने तयारी गरेको छ ।
उपनिर्वाचनमा उम्मेदवारी दिएकामाथि परेको उजुरीको छानबिन गरेपछि आयोगले बुधवारै अन्तिम नामावली प्रकाशन गर्ने तयारी गरेको हो ।
चितवन २, बारा २ र तनहुँ १ मा वैशाख १० गते उपनिर्वाचन हुँदैछ । निर्वाचनका लागि सोमवार उम्मेदवारी मनोनयन भएको थियो ।
मंगलवारसम्म आयोगले उजुरीको लागि समय दिएकोमा यसमाथि छानबिन गरी उम्मेदवारको अन्तिम नामावली सार्वजनिक गर्ने तयारी गरिएको छ ।
यसअघि नागरिकता प्रकरणमा सांसद पद खारेज भएका रवि लामिछानेमाथि फेरि पनि ४ वटा उजुरी परेका छन् । यी उजुरीमाथि छानबिन गरी आयोगले अन्तिम नामावली सार्वजनिक गर्ने तयारी गरेको हो ।
चितवन जिल्ला निर्वाचन आयोगले उजुरीको छानबिन गरिरहेको छ । यसमा आवश्यक रायको लागि जिल्लाले निर्वाचन आयोगको केन्द्रमा सोध्ने पनि बुझिएको छ ।
वैशाख १० गते हुने उपनिर्वाचका लागि बारा, तनहुँ र चितवमा गरी ६९ जनाले उम्मेदवारी दर्ता गराएका छन् ।
चर्चित र प्रभावशाली उम्मेदवार उठेका कारण यी ३ वटै क्षेत्रमा यसपटक रोचक प्रतिस्पर्धा हुने देखिएको छ ।
