एसईईको परीक्षामा सहभागी ५२ जना नक्कली परीक्षार्थी पक्राउ परेका छन् ।

मोरङको ग्रामथान गाउँपालिका–२ झोराहाटको सरस्वती नमूना माविको परीक्षा केन्द्रबाट उनीहरू पक्राउ परेका हुन् ।

सामाजिक विषयको परीक्षा दिँदै गरेका ५२ जना नक्कली परीक्षार्थी पक्राउ परेका मोरङ प्रहरीका प्रवक्ता डीएसपी रन्जनकुमार दाहालले जानकारी दिए ।

‘नक्कली परीक्षार्थी भेटिएपछि अहिले घटनाको अनुसन्धान भइरहेको छ,’ डीएसपी दाहालले भने, ‘घटनास्थलमा प्रहरी र शिक्षा विकास समन्वय इकाई मोरङका प्रमुख टंक गौतमको टोली पुगेको छ ।’

सेटिङमै परीक्षा भएको हुनसक्ने प्रहरीको अनुमान छ ।