२२ असार २०८३, सोमबार
सञ्चारमन्त्री रेखा शर्माले दूरसञ्चार ऐनको कुनै दफा बदल्नेबारे छलफल नगरेको स्पष्ट गरेकी छन् ।
दूर सञ्चार ऐन २०५३ लाइ संशोधन गर्न मन्त्रिपरिषद्बाट सैद्धान्तिक सहमति भए पनि मन्त्रालयले विधेयक बनाउनेबारे छलफल नगरेको उनले बताइन् ।
शुक्रवार प्रतिनिधि सभा बैठकमा सभामुखसँग समय लिएर मन्त्री शर्माले दूरसञ्चार ऐन संशोधन गर्ने विधेयक ड्राफ्ट गरिसकेपछि सरोकारवालासँग छलफल गर्ने बताएकी हुन् ।
सरकारले विधेयकका कतिपय प्रावधान संशोधन गर्नेगरी विधेयकको ड्राफ्ट तयार गरेको भन्दै नेकपा एमालेका सांसद रघुजी पन्तले हिजो सरकारसँग जवाफ माग गरेका थिए ।
‘माननीयहरूले चिन्ता गरेजस्तो मन्त्रालयमा छलफल अगाडि बढाएकै छैनौँ । मन्त्रिपरिषद्बाट सैद्धान्तिक सहमति भएको छ । दूरसंचार ऐनको दफा बदल्नेबारे छलफल गरेका छैनौँ, राष्ट्रलाई घाटा लाग्ने कुरा गदैनौँ’, मन्त्री शर्माले भनिन् ।
